Stjórn RB 2025 - 2026
Stjórn RB
Arinbjörn Ólafsson
Stjórnarformaður
Arinbjörn Ólafsson tók við stöðu framkvæmdastjóra upplýsingatæknisviðs hjá Landsbankanum í júlí 2017.
Arinbjörn lauk M.Sc. prófi í iðnarverkfræði frá Háskóla Íslands árið 2000 og Ph.D gráðu í sömu grein frá Háskólanum í Wisconsin í Bandaríkjunum árið 2006. Hann hóf störf á verðbréfasviði Landsbankans árið 2006. Árin 2009-2015 vann hann að fjárhagslegri endurskipulagningu fyrirtækja og stýrði endurútreikningi gengistryggðra lána. Arinbjörn starfaði sem forstöðumaður upplýsingatæknideildar hjá Landsbankanum frá árinu 2015.
Arinbjörn tók sæti í stjórn RB apríl 2025.
Edda Rut Björnsdóttir
Meðstjórnandi
Edda Rut Björnsdóttir er framkvæmdastjóri Innanlandssviðs Eimskips. Hún hóf störf hjá félaginu árið 2019 og gegndi áður starfi framkvæmdastjóra mannauðs- og samskiptasviðs, en hún tók við núverandi starfi árið 2024.
Edda býr yfir víðtækri stjórnunar- og rekstrarreynslu. Hún starfaði hjá Íslandsbanka í 12 ár, lengst af sem forstöðumaður á Fyrirtækja- og fjárfestasviði. Þar áður starfaði hún í upplýsingatæknigeiranum, meðal annars hjá Landsteinum Streng, Þekkingu og í tölvudeild Baugs.
Edda er varaformaður Samtaka verslunar og þjónustu (SVÞ) og situr jafnframt í stjórn og framkvæmdastjórn Samtaka atvinnulífsins (SA). Þá er hún stjórnarformaður Sæferða og sat áður í stjórn Advania á Íslandi.
Edda er með B.Sc.-gráðu í viðskiptafræði með áherslu á tölvunarfræði frá Háskólanum í Reykjavík.
Edda tók sæti í stjórn RB í mars 2026.
Stjórn RB
Anna Rut Ágústsdóttir
Meðstjórnandi
Anna Rut hefur starfað sem framkvæmdastjóri rekstrar og þróunar hjá Kviku banka frá árinu 2022. Anna Rut hefur starfað innan Kviku samstæðunnar frá stofnun bankans og hjá forverum hans frá árinu 2007. Anna Rut var forstöðumaður fjármála og rekstrar hjá Kviku eignastýringu frá 2019-2022, forstöðumaður á skrifstofu forstjóra Kviku frá 2017-2019 og forstöðumaður viðskiptatengsla Kviku frá 2015-2017. Auk þess hefur Anna Rut komið að ýmsum verkefnum á sviði áhættustýringar, útlána, eignaumsýslu og fjármála.
Anna Rut er með B.Sc. próf í viðskiptafræði og MCF gráðu í fjármálum fyrirtækja frá Háskólanum í Reykjavík og hefur lokið prófi í verðbréfaviðskiptum.
Anna Rut tók sæti í stjórn RB í apríl 2025.
Stjórn RB
Björn Björnsson
Meðstjórnandi
Björn hefur starfað sem framkvæmdastjóri upplýsingatæknisviðs Arion Banka frá árinu 2023.
Áður starfaði Björn hjá Boston Consulting Group (BCG) í Ástralíu og á Norðurlöndum með áherslu á stefnumarkandi verkefni í upplýsingatækni fyrir fjármálastofnanir. Áður en Björn hóf störf hjá BCG vann hann sem stjórnandi og sérfræðingur hjá íslenskum fjármálafyrirtækjum, m.a. sem framkvæmdastjóri áhættustýringar hjá Byr.
Björn er með B.Sc. gráðu í tölvunarfræði og M.Sc. gráðu í iðnaðarverkfræði frá Háskóla Íslands og MBA gráðu frá Melbourne Business School.
Björn tók sæti í stjórn RB í apríl 2025.
Stjórn RB
Sigrún Hafþórsdóttir
Meðstjórnandi
Sigrún hefur starfað sem forstöðumaður fjárhagsdeildar á fjármálasviði Íslandsbanka frá árinu 2021. Hún hefur starfað á fjármálasviði hjá Íslandsbanka og forverum hans síðan 2007, bæði sem sérfræðingur og verkefnastjóri.
Sigrún útskrifaðist með B.Sc. gráðu í viðskiptafræði frá Háskóla Íslands árið 2007. Árið 2018 útskrifaðist hún með MABI gráðu á meistarastigi í stjórnunarreikningsskilum og viðskiptagreind frá Háskólanum í Reykjavík.
Sigrún tók sæti í stjórn RB í apríl 2025.
