Framkvæmdastjórn

Framkvæmdastjórn

Ragnhildur Geirsdóttir

Forstjóri - CEO

Ragnhildur var ráðin forstjóri Reiknistofu bankanna í janúar 2019. Ragnhildur kom til RB frá Wow Air þar sem hún starfaði sem aðstoðarforstjóri frá því í ágúst 2017. Þar áður var Ragnhildur framkvæmdastjóri Rekstrar og upplýsingatækni hjá Landsbankanum í fimm ár og forstjóri Promens í rúm fimm ár. Þar áður starfaði Ragnhildur hjá Icelandair/Flugleiðum í sex ár og gegndi stöðu forstjóra í lok þess tíma.

Ragnhildur er verkfræðingur og viðskiptafræðingur að mennt. Hún lauk CS prófi í véla- og iðnaðarverkfræði frá Háskóla Íslands 1995, MS prófi í iðnaðarverkfræði frá Háskólanum í Wisconsin árið 1996 og MS prófi í viðskiptafræði frá sama skóla 1998.

Framkvæmdastjórn

Aðalgeir Þorgrímsson

Framkvæmdastjóri Tæknirekstrar - VP of Technical Operations

Aðalgeir tók við starfi framkvæmdastjóra Tæknirekstrar í nóvember 2020 en áður var hann framkvæmdastjóri Viðskiptatengsla og þróunar.

Á árunum 2005-2010 sinnti Aðalgeir ýmsum stjórnunarstörfum innan hugbúnaðargeirans, fyrst hjá Creditinfo Group í Tékklandi þar sem hann byggði upp og leiddi fjölþjóðlegt þróunarteymi og síðar hjá Teris (fyrrum Tölvumiðstöð sparisjóðanna) á Íslandi þar sem hann var ábyrgur fyrir innri þróun. Áður starfaði Aðalgeir við hugbúnaðarþróun hjá Creditinfo Group og Landmati.

Aðalgeir er með MBA gráðu, með áherslu á stefnumótun, frá Rotterdam School of Management í Hollandi og B.Sc. gráðu í tölvunarfræði frá Háskólanum í Reykjavík.

Framkvæmdastjórn

Jón Helgi Einarsson

Framkvæmdastjóri Hugbúnaðarsviðs - VP of Software Department

Jón Helgi tók við starfi framkvæmdastjóra Hugbúnaðarsviðs, áður Kjarnalausna í október 2016. Áður var hann forstöðumaður Verkefnastýringar og ráðgjafar hjá RB. Þar áður starfaði hann hjá Advania hf. og forverum þess, m.a. sem forstöðumaður hjá Advania, framkvæmdastjóri HugarAx hf., forstöðumaður hjá Ax hugbúnaðarhúsi hf. og framkvæmdastjóri Kerfis hf. Þar áður starfaði Jón Helgi við hugbúnaðarverkefni hjá Kögun hf. í Bandaríkjunum og á Íslandi.

Jón Helgi er með MS gráðu í verkfræði frá Purdue University í Bandaríkjunum og er rafmagnsverkfræðingur frá Háskóla Íslands.

Framkvæmdastjórn

Þorsteinn Björnsson

Framkvæmdastjóri Tækniþróunar - VP of Technology Development

Þorsteinn hóf störf sem framkvæmdastjóri Tækniþróunar (áður Tæknistjórn) í október 2016. Þar áður var hann framkvæmdastjóri Viðskiptaþróunar- og ráðgjafasviðs, eða frá kaupum Reiknistofunnar á meginhluta reksturs Teris í júní 2012 þar sem hann starfaði frá 1997, síðast sem framkvæmdastjóri félagsins, frá miðju ári 2011.

Áður starfaði hann sem framkvæmdastjóri Þróunarsviðs frá 2007, sviðsstjóri Þróunarsviðs frá 2005 og sem hópstjóri sjálfsafgreiðslulausna. Hann vann lokaverkefni á vegum TVÍ um smíði fyrsta heimabanka sparisjóðanna sem var settur í gang 1995. Þorsteinn starfaði hjá Radíómiðun hf. 1995-1997 við innleiðingu tölvuferilrita í skip og árin 1990-1994 sem rafeindavirki.

Þorsteinn lauk BS-prófi í tölvunarfræði frá Háskólanum í Reykjavík árið 2005 og útskrifaðist sem kerfisfræðingur frá TVÍ árið 1995. Hann útskrifaðist með sveinspróf í rafeindavirkjun frá Iðnskólanum í Reykjavík árið 1991.